關於部落格
NEVERLAND ~邪惡之禁域~
  • 850

    累積人氣

  • 0

    今日人氣

    0

    追蹤人氣

終於唔係講野食...

呢排日日hea係屋企...日日本來都想做d野... but結果日日都好似咩都冇做咁... d工既closing date一份一份咁過去... 我其實唔係拒絕去做野... 亦冇一種放埋個假先既心態... 只係唔知點解做唔到好積極咁去搵工... 可能係我仲未決定到我想做d乜? 定係我知道其實唔會搵唔到工? 所以搵工既進度好緩慢... 其實亦有諗過去出國深造一下...but計條數... 計黎計去都計唔o岩... 始終都搵唔到d時間用少d...而又係有興趣既... 有興趣既...又會用好多時間同錢... 而之後對工作方面亦唔會幫助到好多... 可以話單純係為左理想... 所以都係不了了之... ============================================================================== 之前成日都好多野話想做... but成日都因為好多制找而冇做... 而而家...冇任何藉口喇... 有時會諗好唔好比自己試下... 即管想睇下我會做到d咩出黎... 定係應該去妥協=放棄... 安安份份咁去搵份工... 亦都安安份份咁渡過餘生呢...? 其實咁樣...個人絕對會過得輕鬆D... 只係他日回首...可能會帶住一點點既遺憾... 不過記得有一次... 係諗緊re唔retake一科低分既科既時候... 有個frd問我...你睇下你自己甘唔甘心呢個易科但低分囉... 可能而家我就係始終唔甘心... 而咁多年黎亦一直都冇試過... 所以始終都放唔低... 但係偏偏...雖然好想相信係錯覺... 但係我好確切咁感受到... 自己既距離越黎越遠... 其實可能係內心深處... 我係渴求往一d野...能夠令我切底咁放棄... 咁樣我既人生可能會過得開心d... ============================================================================== 其實我相信有唔少會都會好想問我... 到底點解我好似咁抗拒去做IT呢行... 好多人雖然唔會係我面前講... BUT其實佢地都係會覺得... 你讀左個CS既DEGREE...但係你唔做IT... 咁你個DEGREE未好似同白讀一樣... 其實...係架.... 不過可能我呢D叫瀕死爭扎啦... 始終好唔想比一D既定既過去去影響將來既決定... 呢個亦係當時我咁執著想轉科既原因之一... 不過...當然...都係失敗左啦當年... 而而家...我亦係係度靜待住黎緊既失敗... 以前細個...聽過好多紙上談兵既社會現實... 但係係20歲既時候...<---其實已經好遲...比起好多人... 了解到社會係真係好現實同殘酷... 其實我好多時都係一個後知後覺既人... 雖然冇人相信...但係我其實真係一個好天真既人... 可能因為自己見過...所以近呢幾年... 可能d朋友都會覺得我個人衰左...難相處左... 不過可能我一向d唔開心既野都唔多會同人講... 而變得好似難相處左... 就令朋友連佢地既野都開始少/唔想同我講... 可能因為佢地都expect我會比d好嚴厲既反應... 所以越黎越少講... 不過因為大家知道大家既野越黎越少... 大家不知不覺咁變得唔坦白... 牽絆越黎越少... 雖然唔想承認...但事實係大家的確係疏遠左... 而且由於當時既天真...亦令感情事處理得一撻胡塗... 雖然呢d就係叫人生...人生就係要不斷咁學習... 避免下次再去犯同樣既錯誤... 而悲歡離合...亦係冥冥中有主宰... 緣來緣去...有d人可能真係生命中既過客... 之後可能真係唔會再有機會見面... 有d人雖然仲係度...不過無可否認... 感情不進則退既事實...至於有人要離開... 亦唔好勉強刻意去挽留... 只要記得大家有過既美好回憶... 然後面對而家既現實... 繼續前進... 他日大家再聚首一堂既時候... 先至可以真係變成大家可以放開胸懷... 無所不談既老友... 扯太遠喇... 其實點解咁抗拒做IT... 主要既原因就係因為讀左幾年...加一年placement之後... 發現自己對programming完全冇哂興趣... 可能因為試過無數次係programming上得到既就只有錯敗感... 另外就係...其實我真係唔係programming既材料... 其實呢樣野係好早好早以前...第一次係中學學果陣就已經知道... 但係偏偏就係因為係a-level既時候...比一d錯覺誤導左... 所以先會揀左cs黎讀... 其實我係呢方面既觸覺真係唔好... 而且我已經失去興趣到一個地步就係對住d code... 已經連去搵d網上source都已經唔想再搵... 對住programming...可以話已經去到死心既地方... 個fyp可以過到...都真係可以話係萬幸... 而placement果年...我又深深咁了解到我d basic既pc knowlwdge係幾咁弱... 而且...我亦冇興趣去留意呢d事物同增加呢d方面既知識... 所以...就係種種既原因...令我真係好唔想去搵IT既工... 不過我又知道...成績差...就即係已經比人標籤左你既能力... 縱然你真係對自己有信心...但係有個事實就係呢個label唔會就咁就除去... 所以機會...就真係可以話可遇不可求... ============================================================================== 講左一大堆癈話...而家起... 要做既就係努力去搵下有冇d o岩自己既工... 努力去做好一個portfolio... 而最緊要既...係要有action...
相簿設定
標籤設定
相簿狀態